ابوجهل وابو تريكه

أبو جهل : عمت مساءا يا أبا تريكة
أبو تريكة : احنا لسه بالنهار يا أبو جهل
أبو جهل : معلش اصلها مضلمه عندى من زمان .. لقد رايتك البارحه وانت تصول وتجول ( عاريا الا من فانلة وشورت ) وتتراكلون من أجل قطعة من الحجر فما اهيفكم !!
أبو تريكه : امال لو شفت المشجعين والمصايب اللى بيعملوها هتقول ايه ؟
أبو جهل : صحيح لقد كان بنا سفاهه .. يعنى عندك واحد مثلى كنت اصنع الهه من العجوى اعبدها ثم اكلها حين اجوع بس مش للدرجه دى
أبو تريكه : انت مشوفتش حاجه يا ابو جهل ناس بتشتم بعضها بالأم ؟ وناس بطلع صوت وحش من منخيرها ( 41 غنة ) ورجاله بشنبات بتتعارك مع بعضها عشان الكورة اللى مش عجباك .. دا حتى لسه واحد مطلق مراته لما عرف انها بتشجع الزمالك ولا الراجل بتاع ابو على اللى رمى مراته من البلكونة بعد ما اسامة حسنى جاب الرابع..
أبو جهل : هناك ما يدور فى شعاب قريش بانكم قد هاجمتم القافلة البيضاء بالسنج والمطاوى فأخذتم عيرها وضربتم اميرها وبطحتم راس بنت اميرها .. هو انتوا فكرين نفسكوا ابرهه؟!
أبو تريكه : اكيد اللى عمل كده قله مندسه . كل واحد فيهم هتلاقيه كان شاربله قدحين من الخمر وحابسله نفسين حشيش سيبك منهم دلوقتى .. قولى انت بس ايه اللى حصلوكوا فى بدر .. سمعت ان المسلمين ضربوكوا على قفاكم
أبو جهل : لا تذكرنى يا فتى .. لقد ظبطنا المسلمين يومها .. وجلست ابكى قبل ان يجيبوا كرشى كما يبكى عبد المصف اليوم وهو ينظر الى شبكة مرمه المخرومة من كتر اللي شاله .
أبو تريكة : خلاص ملهاش حل غير انكوا تلعبوامع الزملكوية ماتش واللي يغلب ياخد المركز التالت
أبو جهل : خلاص راحت علينا من زمان ، ... بقولك ايه ياتريكة ما تيجي تلعب في صفوف قريش وأعطيك سُرة من الدنانير وجارية مليحة و11 ناقة ؟؟
ابو تريكة : ليه يا اخويا ؟! انت عاوز وانا بلعب معاكوا قدام الطائف أتـنـتـش سهم ولا حربة تضيع مستقبلي ؟؟ لا ياعم أنا مش مستبيع ..
ابو جهل :سمعنا ان حيى بن الاخطب بن ربيعة بن المهلهل قد مضى للاهلى وان خبير كلها تطالبه بالرجوع لناديه ..كده يبقى علمتوا على الزمالك فى اينو والدراويش فى حسنى وكمان خبير فى حيى..ما افظعكم!!
تريكة :انا ماليش دعوة ..اسأل الحاج عدلى ..
ابو جهل :حقة لو الواد ده مضى للاهلى سوف نجمع العرب والعجم والزمالك والاسماعيلى ونرفع عليكوا شكوى فى الفيفا ..روح يا شيخ كوبة ...بس قريش قادمة وحذارى اشوفك فى السوبر ...
ابو تريكة :عفوا هذا زمن الاهلى ....